Бишкектин түштүк-батышында бир нече күнгө газ өчүрүлөт
3504
7-сентябрдан 10-сентябрга чейин Бишкектин түштүк-батышындагы бир нече райондордо жаратылыш газы болбойт. Анын себеби 1985-жылы пайдаланууга берилген Сухомлинов жана Табалдиев көчөлөрүнүн кесилишиндеги жер астындагы газ түтүгүн оңдоо болгонун "Газпром Кыргызстан" билдирди.
Төмөнкү аймактарда газ өчүрүлөт:
- "Төмөнкү Джал" району;
- Д.Садырбаев, Гагарин, Медеров, Абай, Ахунбаев, Ташкөмүр, Ажыбек баатыр көчөлөрү, Манас проспектиси жана Пожарский тилкеси.
- "Теплоэнергоремонт" отканасы.
"Газпром Кыргызстан" кардарларынан кечирим сурап, шаардыктарды газдын убактылуу өчүрүлүшүнө түшүнүү менен мамиле кылууну суранат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://xn--90aiakkb9g.kaktus.media/3364
