Бишкекте Совет көчөсүнүн бир бөлүгү оңдоо иштерине байланыштуу жабылат

Бишкектеги Абдрахманов (Совет) көчөсүндө капиталдык оңдоо иштери улантылат. Буга байланыштуу 29-июндан тарта аталган көчөнүн бөлүгү жабылат дешет мэриядан.

Сүрөт: Бишкек мэриясы

Сүрөт: Бишкек мэриясы

1 из 2

Маалым болгондой, Байтик баатыр көчөсүнүн Сүйөркулов көчөсүнөн Скрябин көчөсүнө чейинки бөлүгүндө капиталдык оңдоо иштери аяктады. 29-июнда көчөнүн аталган бөлүгү унаа кыймылы үчүн ачылат.

Ал эми 29-июндан тарта капиталдык оңдоо жумуштарына байланыштуу:

• Байтик баатыр көчөсү менен Медеров көчөсүнүн кесилиши;
• Абдрахманов көчөсүнүн Бөкөнбаевден Киев көчөсүнө чейинки бөлүгү жабылат.

Тема боюнча:

Ахунбаев көчөсү кандай болуп өзгөрдү?

Мындан тышкары 29-июндан баштап Ахунбаев жана Малдыбаев көчөлөрүнүн кесилишин 2-июлга чейин жабуу, ошондой эле Байтик баатыр жана Медеров көчөлөрүнүн кесилишин 4-июлга чейин жабуу мерчемделүүдө.

Белгилей кетсек, капиталдык оңдоо жумуштары Байтик баатыр, Ахунбаев жана Жибек жолу көчөлөрүндө жүрүүдө.