Садыр Жапаров Москвага жөнөп кетти. Делегациянын курамында кимдер бар?

Саясат

2663

24 май 2023 15:23

Негизги жаңылыктар кыскача Telegram каналында

Садыр Жапаров бүгүн, 24-майда Москва шаарында өтүүчү II Евразиялык экономикалык форумдун ишине жана Жогорку Евразиялык экономикалык кеңештин (ЖЕЭК) жыйынына катышуу үчүн Россия Федерациясына барды. Бул туурасында президенттин администрациясынан кабарлашат.

Сүрөт: Президенттин администрациясы

Мамлекет башчынын учагы Москва шаарындагы "Внуково-2" эл аралык аэропортуна конду. Садыр Жапаровду Россия Федерациясынын Тышкы иштер министринин орун басары Александр Панкин тосуп алды.

Тема боюнча:

Садыр Жапаров иш сапар менен Москвага барат

Президент Евразиялык экономикалык биримдиктин башка мүчө-мамлекеттеринин башчылары менен бирге "Көп полярдуу дүйнөдөгү евразиялык интеграция" Евразия экономикалык форумунун пленардык жыйынына катышат.

Ошондой эле эртең, 25-майда Евразиялык экономикалык биримдикке мүчө-мамлекеттердин башчылары евразиялык мейкиндиктеги интеграциянын бир катар актуалдуу маселелерин талкуулашат, Биримдикти мындан ары өнүктүрүү боюнча пикир алмашат.

Кыргыз Республикасынын расмий делегациясынын курамында:

Адылбек Касымалиев - министрлер кабинетинин төрагасынын биринчи орун басары;
Муратбек Азымбакиев - президенттин администрациясынын тышкы саясат бөлүмүнүн башчысы;
Гүлнара-Клара Самат - Кыргыз Республикасынын Россиядагы элчиси;
Данияр Амангелдиев - экономика жана коммерция министри;
Аяз Баетов - юстиция министри;
Асеин Исаев - тышкы иштер министринин биринчи орун басары;
Самат Кулмамбетов - президенттин администрациясынын тышкы саясат бөлүмүнүн Евразия экономикалык биримдигинин иштери боюнча секторунун башчысы;
Назарбек Малаев - экономика жана коммерция министринин орун басары

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.

url: https://xn--90aiakkb9g.kaktus.media/12469